سات آدمی ایسے ہیں جن پر اللہ تعالی اپنی رحمت کا سایہ ڈالتا ہے
حضرت ابوالدردہ سے روایت ہے کہ میرے خلیل و محبوب ﷺ نے وصیت فرمائی ہے کہ اللہ کے ساتھ کبھی کسی چیز کو شریک نہ کر نااگر چہ تمہارے ٹکڑے کر دیے جائیں اور تمہیں آگ میں بھون دیا جاۓ اور خبر دار کبھی جان بوجھ کر نماز نہ چھوڑنا کیونکہ جس نے قصد نماز چھوڑ دی تو اس کے بارے میں وہ ذمہ داری ختم ہو گی جو اللہ کی طرف سے اس کے وفادار اور صاحب ایمان بندوں کے لئے ہے اور خبر دار شراب کبھی نہ پینا کیونکہ وہ ہر برائی کی کنجی ہے ۔
حضرت ابوہریرہ نبی ﷺ سے روایت کرتے ہیں آپ ﷺ
نے فرمایا کہ سات آدمی ایسے ہیں جن پر اللہ تعالی اپنی رحمت کاسایہ ڈالتا ہے ان میں سے ایک شخص وہ ہے جو اللہ تعالی کا ذکر کرے تو اس کی آنکھوں سے آنسو جاری ہو جائیں
حضور ﷺ نے فرمایا جب تم میں سے کوئی جوتا پہنے تو داہنے پاؤں سے شروع کرے اور جب نکالے تو بائیں سے شروع کرے۔ہونا یوں چاہیئے کہ داہنا پاؤں پہنے میں پہلا ہو اور نکالنے میں آخری صحیح البخاری
سید نا ابوہریرہ سے روایت ہے کہ رسول اللہ ﷺ نے فرمایا سب سے برا نام جس پر روز قیامت اللہ تعالی کے ہاں شرمندگی ہو گی یہ ہے کہ آدمی اپنے آپ کو شہنشاہ کہلواۓ صحیح بخاری
حضرت علی سے روایت ہے وہ بیان کرتے ہیں انہوں نے رسول اللہ ﷺ سے سنا آپ ﷺ نے سود کھانے والے، کھلانے والے،تحریر کرنے والے اور صدقہ نہ دینے والے پر لعنت کی .
حضور ﷺ نے فرمایا۔
اگر تم کو جنت پسند ہے تو اپنے بھائی کے لیے وہی پسند کرو جو اپنے لیے پسند کرتے ہو
حضور ﷺ نے فرمایا۔
اذان اور اقامت کے درمیان دعائیں رد نہیں ہوتی لہذا دعا مانگا کرو.
رسول اللہ ﷺ نے فرمایا کہ ہر گناہ میں سے جتنا چاہے اور جب چاہے اللہ تعالی معاف کر دیتا ہے لیکن ماں باپ کی نافرمانی کے گناہ کا مواخذہ دنیا ہی سے شروع ہو جاتا ہے اسے معاف نہیں کیا جاتا.
حضرت انس سے روایت ہے کہ ایک دن رسول کریم ﷺ حضرت ابو بکر حضرت عمر اور حضرت عثمان کے ساتھ مدینہ کے مشہور پہاڑ احد پر چڑھے تو وہ خوشی کے مارے ہلنے لگا تو حضرت محمد ﷺ نے اپنا پیر اس پر مار اور فرمایا ارے احد تھم جا تیرے اوپر ایک نبی ہے ایک صدیق ہے اور دو شہید ہیں
کوئی تبصرے نہیں:
ایک تبصرہ شائع کریں
if you have any problem please let me know.
Thanks for comment .